友情提示：本文共有 692 个字，阅读大概需要 2 分钟。
喺香港89% 慨人日常使用广东话沟通，95% 慨人识广东话，所以喺日常教学同埋对公众介绍天文嗰时，顺理成章绝大部分时间都系用广东话。虽然广东话同音字慨情况比普通话少，但系当使用广东话讲天文慨时候有冇留意到有啲字慨读音系需要特别小心慨呢？
用广东话说“星”字，图：可观
「恒（hang4）」同「行（hang4）」（聆听发音）呢两个字读音相同但系出嚟慨意思就非常之唔同喇。恒星系好似太阳咁样会自己发光慨天体，而行星系围住恒星公转又唔会发光慨星球。当听嗰时无上文下理慨时候就有机会将渠哋两者混淆。有时我哋都会将行字读成haang4（聆听发音），令到两个字慨发音冇咁相似，听众就比较容易分辨清楚。
「彗」可以读成wai6（音：慧）或seoi6（音：瑞）。如果读成「彗（wai6）星」就会同「卫（wai6）星」同音，造成混乱。「彗星」系太阳系里面一啲夹杂冰雪砂石而成慨小天体，当渠哋运行至接近太阳时表面会受热升华，形成彗发。而「卫星」系围绕行星运行慨天体，为免运淆，我哋多数会讲成「彗（seoi6）星」。
有啲情况就会喺天文学上面用一个比较少见慨读音， 例如中国星官中二十八宿慨「宿」，会读成sau3（音：秀）。「参宿」—二十八宿其中之一， 记得唔好读成cam1 suk1（音：掺叔），要读成sam1 sau3（音：森秀）。呢啲情况好多时同呢啲字古代慨来源同埋读音流传落嚟有关。
广东话作为我哋日常使用慨语言之外， 亦都保留咗较多唐宋时期慨中古音同古代用词，有时用广东话读中国古代天文记录或者诗词歌赋都相当有趣。有兴趣慨话不妨查下一啲字慨来源同读音，话唔定都会有啲得意慨发现。
文章来源：可观-hokoon
本文如果对你有帮助，请点赞收藏《另一番天文趣味 用广东话如何讲天文中的相关语言呢？》，同时在此感谢原作者。
